BASHUNGWA – ADA ZA TOZO ZA LESENI ZA MATANGAZO ZAPUNGUA KWA 50%

 

Waziri wa Habari, Utamaduni, Sanaa na Michezo. Mhe, Innocent Bashungwa kulia akizungumza katika kikao baina yake na Naibu wake Mhe, Pauline Gekul, Mkurugenzi wa Idara ya Habari-MAELEZO na Msemaji Mkuu wa Serikali, Gerson Msigwa na Kaimu Mkuu wa kitengo cha Sheria kwenye Wizara ya Habari, Utamaduni, Sanaa na Michezo. Evordy Kyando wakati wa kikao cha kupokea taarifa ya maboresho ya Rasimu ya Marekebisho ya Kanuni za Maudhui Mtandaoni za Mwaka 2020 pamoja na Kanuni za Maudhui ya Utangazaji katika Redio na Televisheni za Mwaka 2018 yaliyotolewa na wadau mbalimbali hivi karibuni.

****************************

Na John Mapepele, WHUSM

Waziri wa Habari, Utamaduni, Sanaa na Michezo. Mhe, Innocent Bashungwa amesema Serikali inakwenda kuondoa asilimia hamsini ya ada za tozo mbalimbali za leseni kwenye marekebisho ya Kanuni za maudhui ya mtandaoni na maudhui ya utangazaji katika redio na televisheni yaliyofanywa hivi  karibuni ili kuzalisha ajira na vipato  wananchi.

Mhe. Bashungwa ameyasema haya leo Septemba 1, 2021 jijini Dodoma katika kikao cha kupokea taarifa ya maboresho ya Rasimu ya Marekebisho ya Kanuni za Maudhui Mtandaoni za Mwaka 2020 pamoja na Kanuni za Maudhui ya Utangazaji katika Redio na Televisheni za Mwaka 2018 yaliyotolewa na wadau mbalimbali hivi karibuni.

Kikao hicho pia kilihudhuriwa na Naibu Waziri wa Habari, Utamaduni, Sanaa na Michezo.Mhe, Pauline Gekul na Mkurugenzi wa Idara ya Habari-MAELEZO na Msemaji Mkuu wa Serikali, Gerson Msigwa.

“ Serikali inayoongozwa na Rais Samia Suluhu Hassan imeamua  kwa dhati kufanya marekebisho ya  kanuni hizi  kwa kuwashirikisha  wadau wake ambapo sasa  katika kipindi kifupi kijacho  tutashuhudia   maboresho yanaleta  matumaini na  mapinduzi makubwa   kwenye sekta na  wadau wategemee ongezeko la ajira na kuboreka  kwa vipato vyao kwa kiwango kikubwa”. Amesisitiza Mhe. Bashungwa

Ameongeza kuwa ada kwa Leseni za ‘simulcasting’ imeondolewa kabisa ambapo ameeleza kwamba hatua hiyo imefikiwa baada ya kuzingatia maoni ya wadau ya kuiomba Serikali tahfifu ya ada husika ili waweze kumudu kulipa bila faini au kulimbikiza madeni ambapo amesema watoa huduma wanatazamiwa kuongezeka kutokana na viwango vya ada kuwa rafiki.

Akitoa taarifa ya maoni ya maboresho ya kanuni hizo kwa viongozi hao wakuu wa Wizara, Kaimu Mkuu wa kitengo cha Sheria kwenye Wizara ya Habari, Utamaduni, Sanaa na Michezo. Evordy Kyando amesema baadhi ya mambo muhimu katika Marekebisho ya Kanuni za Maudhui ya Utangazaji – Redio na Televisheni ni pamoja na kuongeza ukomo wa vituo vya usikivu kwa leseni za Wilayani kutoka kimoja hadi vitatu (3) katika eneo ambamo redio au televisheni ipo ambapo ameeleza kuwa marekebisho haya yanatazamiwa kuongeza usikivu wa redio na Televisheni katika maeneo yenye  milima na mabonde.

Aidha, Kanuni ya 37 ya mwaka 2018 imerekebishwa kwa kufuta kanuni ndogo ya (2) iliyozuia kuungana na kituo kingine ili kutoa matangazo (hookup) bila kibali cha Mamlaka ya Mawasiliano Tanzania (TCRA), ambapo kwa sasa kituo kitatakiwa kinatioa taarifa tu kwa TCRA tofauti na awali.

Pia Kyando amesema marekebisho mengine yamefanywa kwenye Kanuni ya 37(4) kwa Kuondoa masharti ya mgeni kusindikizwa studio kwa lengo la kuondoa kabisa masharti yaliyotaka mgeni wa kituo chochote cha huduma ya maudhui kutoruhusiwa kutembelea kituo hicho mpaka awe ameongozana na Afisa wa Serikali au TCRA

Kwa upande wa  Kanuni za maudhui ya Mtandaoni, Kyando ameyataja mambo muhimu yaliyofanyiwa marekebisho katika Kanuni hizi kuwa ni pamoja na kuondoa masharti kwa watoa huduma wa Internet Cafes (Kanuni ya 2 na 13), Kuondoa masharti ya kuwa na leseni kutokaTCRA (Kanuni ya 3), Kuondoa Leseni za ‘Simulcasting’ ambapo mtoa huduma wa maudhui ya mtandaoni kwa simulcasting hatalazimika kukata leseni nyingine wala kulipia ada tofauti anaporusha maudhui yaleyale anayorusha katika redio au televisheni asilia.

Pia, kuondoa wajibu kwa watoa huduma kutunga sera ya matumizi na kufunga vifaa vya kuchuja maudhui mabaya (kanuni ya 9), Kuondoa zuio la ‘Simulcasting’ kwa redio za Wilayani na Mikoani na Kuondoa zuio la Matangazo ya Betting na michezo  Mingine ya kubahatisha.

Comments

Post a Comment

Popular posts from this blog

BODABODA SINGIDA WATOA TAMKO KALI KUELEKEA KUAPISHWA RAIS DKT JOHN MAGUFULI

Image
  Mwenyekiti wa madereva na wamiliki wa Bajaji na bodaboda Manispaa ya Singida Ahmed Juma akitoa ufafanuzi wa tamko la kulaani vijana wanaotaka kufanya vurugu Dereva wa Bodaboda Manispaa ya Singida Ramadhani Zuberi akitoka ufafanuzi kwa waandishi ambao hawapo pichani kupinga na kulaani maandamano ya vijana ambao wanataka kutumika kuvuruga amani  Sehemu ya madereva wa bodaboda Manispaa ya Singida  John Mapepele na Rose Nyangasa, Singida Wamiliki na Madereva wote wa Bajaji Mkoa wa Singida wametoa tamko rasmi la kulaani baadhi ya vijana ambao wameanza kutumiwa na baadhi ya vyama vya upinzani kuandamana kupinga matokeo ya Uchaguzi Mkuu uliofanyika Oktoba 28, Mwaka huu. Akitoa  tamko  kwa  niaba ya   wanachama 2000 wa  Mkoa wa Singida  kwenye Kituo cha Bajaji Soko Kuu la Mjini Singida, Mwenyekiti wa Madereva na Wamiliki wa Bajaji na Boda boda Manispaa ya Singida, Ahmed Juma amesema  umoja wao umepi...
Read more

RAIS SAMIA AZIDI KUKIPAISHA KISWAHILI DUNIANI

Image
    ************************** Na John Mapepele Rais wa Jamhuri ya Muungano wa Tanzania. Mhe, Samia Suluhu Hassan amesema Sera mpya ya mambo ya nje itaendelea kuzingatia pamoja na mambo mengine kukuza lugha ya Kiswahili kama lugha ya kidiplomasia. Mhe. Rais amesema hayo wakati akizungumza na mabalozi mbalimbali wanaowakilisha nchi zao Januari 24, 2022 hapa nchini pamoja na Wawakilishi wa Mashirika ya Kimataifa katika sherehe za mwaka mpya 2022 ( Diplomatic Sherry Party) zilizofanyika Ikulu Jijini Dar es Salaam. Aidha, Mhe. Rais Samia amewashukuru wote waliopitisha maazimio ya kuifanya tarehe 7 Julai kila mwaka kuwa siku ya lugha ya Kiswahili duniani. Kwa upande wake, Waziri wa Utamaduni, Sanaa na Michezo. Mhe, Mohamed Mchengerwa amesema Wizara yake kupitia Baraza la Kiswahili la Taifa (BAKITA) kwa kushirikiana na wadau mbalimbali itahakikisha inasimamia maendeleo ya Lugha ya Kiswahili kwa faida ya mtu mmoja mmoja na taifa kwa ujumla. Naye Naibu Katibu Mkuu wa Wizara hiyo, Said...
Read more

AGIZO LA MAGUFULI KUMALIZA MGOGORO WA ARDHI WA BI ELIZABETH MANYONI LATEKELEZWA 100%

Image
  Bibi Elizabeth Msalali Chilingo (90) (aliyeshika  hati  ya ardhi) akiwa kwenye picha ya pamoja  na  Mkuu wa Mkoa wa Singida, Mhe. Dkt. Rehema Nchimbi( mwenye msalaba), Viongozi wa  Wilaya ya Manyoni,wataalam wa ardhi  Mkoa  wa Singida na wanafamilia  mara baada ya kukabidhiwa hati hiyo ya eneo lake lilichukuliwa na Afisa Ardhi aitwaye Leonard Msafiri na kisha kupangishwa  kwa Kampuni  mmoja ya simu za mikono ambapo  Rais wa Jamhuri ya Muungano wa Tanzania Mhe. Dkt. John Pombe Magufuli aliagiza  lirejeshwe mara moja  kwa  bibi huyo ambaye ndiye ataingia  mkataba  wa upangaji na Kampuni  hiyo Bibi Elizabeth Msalali Chilingo (90) akitoa shukrani zake kwa Rais wa Jamhuri ya Muungano wa Tanzania Mhe. Dkt. John Pombe Magufuli  mara baada  ya kukabidhiwa  hati ya eneo lake                                 ...
Read more